(ေလၼင္-၅)
မုဟုိတ္ဒးေဗၱာန္ဓမၼသကူလ္ နကု္ဘာသာမန္
...............................................................
ဗုီညး ညးဂြိင္တုဲ ဗုီညး ညးေဗၱာန္မံင္ပဍဲဍဳင္ညးကု္ညးအုိတ္ရ။
...
ဂလုိင္တီလ၀္ညိညျဇဳိင္သာ ပေရာေဗၱာန္ေယန္သၷာင္ဗုဒၶဘာသာ
ပဍဲကု္ဍဳင္ေထရ၀ါဒဗုဒၶဘာသာဂမႅဳိင္ဂွ္၊ ပေရင္အံင္ဇၷး ေဖ်ံေဗၱာန္ကု္
ေကာန္ငၚတံ သၨဳိင္ဗုဒၶဘာသာဂွ္ ဍဳင္သီရိလကၤာမြဲ ဂု္လဟု္ေဇၷာ္ေမာ၀္အုိတ္
ဟုီစဂြံရ။ လိက္ေဗၱာန္ကဆံင္တန္ေဍံတန္ေဍံ ေစွ္ေသၷာတ္နဴသၨဳိင္
မပၱံကု္ပေရင္ဆက္ေဆာံပႛဲဟိကၼိန္ နဲကဲပ၀တ္၊ လေငါ၀္ ကု္က်ာ္ဓရ္သင္
သုီကု္ပေရာက်ာ္ စု္ကု္စုိပ္ကဆံင္ကတ္ေဗၱာန္ဒႆ      ဓရ္က်ာ္ရ။ ဘာေဗၱာန္တံဂွ္ ဟုိတ္နဴဗေတာန္မံင္ ပဍဲတငဲအဒုိတ္တုဲ ေကာ္ဂး သာန္ေဒသကူလ္ရ။ ဘာဏံ ေဗၱာန္မံင္ပဍဲအရွာံဘာလက်ာ္တုဲ ပဍဲျဇပ္ဘာကုီ သၼ၀္တံဆုကုီ ဗႅးဗႅး၀း၀း ေဗၱာန္မံင္ရ။ ခမီသင္တံကုီ ခရွ္တံကုီ ဘုိင္ေဗၱာန္ဒၼံင္အုိတ္ရ။
ေကာန္ငၚတံေဇၷာ္တုိန္ ဒွ္အာပၷာန္ကု္ဒွ္ ဒွ္အာအလု္အသီကု္ဒွ္ စုိပ္အာဍဳင္
မြဲသအာင္ပႅန္ကု္ဒွ္ ဗဟုသုတ လၸာ္ဗုဒၶဘာသာဂွ္ လုပ္လ၀္ကဍဟ္တုဲတုဲ
ဘာသာတၷဟ္ ကႅဳင္စန္ဒက္ေလာဲေလာဲဟြံဂြံရ။
.
ဍဳင္ေသံေလ၀္ ကႅာတဲေတံ ဟြံစြံျဇဳိဟ္နက္ကု္ ညးသၼတ္တံေကြံရ။
ေရွ္ေသွ္အာမံင္သာသနာက်ာ္ နဒဒွ္အေလံအထမြဲ မိမဒွ္ဗုဒၶဘာသာေတွ္
ဇကုဒွ္အာေကာန္ဗုဒၶဘာသာကုီ။ စပ္ကု္ဘာသာေတွ္ ညးဗြဲမဂႅဳိင္တံ
ဟြံျဇဳိဟ္နက္တ'ရ။ ဟုိတ္နဴသၼိင္တႅတိေသံ ဒွ္ဗုဒၶဘာသာ ေရွ္ေသွ္ဗုဒၶဘာသာတုဲ
အေခါင္အရာသြက္ဘာသာဂွ္ ၀ုိန္နြံကုီေလ၀္ ပေတွ္မံင္ဆလၱဴက်ာဂွ္ဂႅဳိင္မံင္ရ၊
အတုိင္ညးဟလုိင္ဂြံတီေကတ္ ေသံပေတွ္ရံင္စေဗဒင္ ဓဇုီအင္ ဟ၀မ္တံဂႅဳိင္ရ။
ခမီသင္တံေလ၀္ ေလၼာ၀္ဗက္ပုိန္တုဲ ဂႅာဲေကႅာန္ပေရင္ေလာကီဂႅဳိင္တၜရ။
ပေရင္ပုိန္ျဒပ္ေလ၀္တ'တက္မံင္ကုီ ပေရင္ကြာ္တရ'ေကာန္ဍဳင္သအာင္ေလ၀္
လုပ္ေ၀င္ဍဳင္ေသံဂႅဳိင္ ဂကူဘာသာနွ'ရ'ဂႅဳိင္တုဲ ပေရင္ဘာသာဂွ္ေလ၀္
ပအ္သာမံင္အုိတ္ရ။ ညးသၼတ္တံ ပေတွ္မံင္သာသနာ နကု္မတ္ဂႅဳဂႅဳဂႅဳိင္ရ။
ဗြဲၾက'ဏံ၊ နကု္ပေရာဂ်က္အလု္အသီ သြက္ဂြံေဗၱာန္ေယန္သၷာင္ဗုဒၶဘာသာ ကုကြးဘာ ညးသၼတ္ ပဍဲကု္ဘာတန္ဂွ္ ကတု္ဒွ္ကႅဳင္ရ။ ဍဳင္ေသံဂွ္ မုေတၼင္ျခာကု္ဍဳင္သီရိလကၤေရာေတွ္ခမီသင္တံေဗၱာန္ ေယန္သၷာင္ဗုဒၶဘာသာဂွ္ ေဗၱာန္အပဍဲဘာတန္အလု္အသီရ။ မြဲသတၱဟမြဲအလန္ရ။
.
ေပၷာ၀္ကု္ဍဳင္ေရွ္ေသွ္ေထရ၀ါဒဗုဒၶဘာသာတံဂွ္ ဍဳင္လ'မြဲဂွ္ ႏြံလၼိဟ္မၷိဟ္ေအာန္အုိတ္ရ ႏြံမံင္၀ုိတ္ (၇) ျပေကာဋိကုိဋ္ရ။ အတုိင္အလု္အသီလ'ေပႅာပ္လ၀္စရင္ လၼိဟ္ေကာန္ဗုဒၶဘာသာေဇတ္တ္ဂွ္ နြံ၀ုိတ္ (၇၅) ကဍဳိပ္ကႅံရ။ ဘာသာတၷဟ္နြံဂႅဳိင္ဂႅင္ရ။ ဆဂး ဍဳင္ေရွ္ေသွ္ဗုဒၶဘာသာဂႅဳိင္ ဂြံဒုင္ယၼဳရ။ ဍဳင္လ'ဂွ္ နကု္အလု္အသီ ဟြံကု္ျဇဟတ္ကု္ပေရင္ ေဗၱာန္ေယန္သၷာင္ဗုဒၶဘာသာ
ပဍဲကု္ဘာတန္ရ။ အတုိင္လက်ာ္လ'မြဲဇကုဟုီမၢး ခမီသင္ ညးမဂြိင္ကု္ အခုိက္ကၷာဗုဒၶဘာသာ ေကႅံအာပဍဲခရွ္တံဂွ္ ပံက္ေဗၱာန္မံင္ နဲကဲညးကု္ညးရ။
ဘာေဗၱာန္ေယန္သၷာင္ဗုဒၶဘာသာဂွ္ ဟြံဒွ္မြဲပႅဳပ္ သြက္အလုံမြဲဍဳင္ရ။
.
ဍဳင္ေရွ္ေသွ္ေထရ၀ါဒမြဲဍဳင္ပႅန္ဂွ္ ဒွ္ဍဳင္ကမ္ဘူခ်ာ (ခေမန္)ရ။လၼိဟ္ေကာန္ဍဳင္ ကမ္ဘူခ်ာဂွ္ နြံ၀ုိတ္ (၁၇) ျပေကာဋိကုိဋျပင္တုဲ ေကာန္ဗုဒၶဘာသာ ႏြံ၀ုိတ္ (၉၅)ကဍဳိပ္ကႅံရ။ စပ္ကု္ဗေတာန္ ေယန္သၷာင္ဗုဒၶဘာသာဂွ္ ညးခ်ဴလိက္ဏံ ညိညျဇဳိင္သာ ဟြံဂြံလငတ္ေကတ္ဏီတုဲ အာတ္ဒုင္၀န္ ဟြံထမံက္ဏာရ။
.
ဍဳင္ေရွ္ေသွ္ေထရ၀ါဒဗုဒၶဘာသာေသွ္မြဲဍဳင္ပႅန္ဂွ္ ဒွ္ဍဳင္ေကာ္ဂး မ်ာန္မာရ။
စပ္ကု္ပေရင္ေဗၱာန္ ေယန္သၷာင္ဗုဒၶဘာသာဂွ္ ပဍဲကု္လိက္ေလၼင္ (၃)ေတံ
ထၼံက္ထၸးလ၀္ညိညတုဲ ဒၷာဲဏံဟြံထပ္ခ်ဴဏာရ။ လိက္ေလၼင္ဏံ ဂြံစိုပ္တင္
ရန္တၼံအဓိက အတုိင္ကု္လ၀္ကဍဳိပ္လိက္ .......
"မုဟုိတ္ဒးေဗၱာန္ဓမၼသကူလ္ နကု္ဘာသာမန္"ဂွ္ မိက္ဂြံသၸျဇဳိဟ္နက္တုဲ
သြက္လိက္ေလၼင္ဂတဏံမၢး ၾကက္ခ်ဴဏာကု္ေရာင္။
.
(ဂကူေဇၷာ္ေဇၷာ္ နြံကု္အလု္အသီညးကု္ညးမွ ညးတံဂြိင္ကု္ ညးသၼတ္ေကာန္ဗုဒၶဘာသာတံ ဟြံတီေယန္သၷာင္ဗုဒၶဘာသာေတွ္
ဂကူေဍာတ္တ္ ဟြံမြဲကု္အလု္အသီ ညံင္မပၱံကု္ဂကူမန္ပုိယ္တံဂွ္
ဒွ္မံင္ဓ၀ိင္ကုီေဏာင္ ေစွ္လ၀္စုိတ္ရ။)
.....
ဆက္အာ(ေလၼင္-၆)ပႅန္ေရာင္။
Credit to Gho Saka.