(ေလၼင္-၇)
မုဟုိတ္ဒးေဗၱာန္ဓမၼသကူလ္ နကု္ဘာသာမန္
...............................................................
ဓ၀ိင္ခမီသင္မန္ လတူဓမၼသကူလ္ဗမာဓလုီပဍဲေကာန္ဂကူ
.
သြက္ဂြံေဗၱာန္ဘာဓမၼသကူလ္ သႅဲသႅဲလးလး စု္ကု္ကဆံင္အလုံမြဲဍဳင္ဂွ္
ခမီသင္ဗမာတံ ၀ုိန္ရပတိတ္ကႅဳင္မံင္ျဇဟတ္ ပတိုန္ထၸ့းမံင္ကုခမီသင္
မၷဳံကု္ၾသဇာတိကၠမေဇၷာ္တံကုီေလ၀္ ဒးသၸကႅဳင္မဇၨ ်ဟ္ ဟြံဒွ္ကႅဳင္ကေမႅာန္။
နနဲညးကု္ညး ကေသံကၼ၀္ညးသၠံအုိတ္ရ။ နဴကု္ခမီဂေကာံ (မဘသ) ကတု္ဒွ္ကႅဳင္ သၷာံ ၂၀၁၃ ပဍဲကု္ေခတ္အလု္အသီ တုင္ျဇဳင္ဂွ္တုဲ ဘာဓမၼသကူလ္ဏံ ဂြံကႅဳင္အသိင္ ပံက္ကႅဳင္ကြတ္အၥာ နဲကဲဂြံေဗၱာန္ဘာဓမၼသကူလ္ရ။
ဘာဓမၼသကူလ္ ရုပ္ရ'မံက္ ကတု္ဒွ္ကႅဳင္ဂွ္ ခမီသင္မန္ပုိယ္တံ ဒွ္ကႅဳင္ဓ၀ိင္
ပေရင္ဓလုီထဍဳိက္ ပႛဲအၾကာေကာန္ငၚမန္ပုိယ္တံရ။
.
ဘာဓမၼသကူလ္ဂွ္ ဟုိတ္နဴကု္ေဗၱာန္နကု္ဘာသာဗမာတုဲ အေလံအထ အခုိက္ကၷာဗမာဂွ္ ဂြိင္ေဖက္ဓလုီဏာေကာန္ငၚမန္တံအုိတ္ရ။ ညးခ်ဴလိက္ဏံေလ၀္ ေလာန္ကႅဳင္ၾကပ္၂သၷာံေတံ ေကင္တုိန္စုိပ္လ၀္ေကာံဓ႐ုီ သီကႅီ ကဆံင္ပြဳိင္တုိက္လၼဳိင္ စပ္ကု္ဘာဓမၼသကူလ္ဏံရ။ ဘာဓမၼသကူလ္ဏံ စုိပ္ကႅဳင္တိဍာ္မန္မၢး ဟလု္ပဂြံစု္ဒနာ ဂြံေဗၱာန္အာ နကု္ဘာသာမန္ကုီေရာ ခ်ပ္စအုိတ္ရ။ ျပဟ္ဟ္ေျပဟ္ဟ္ လိက္အုပ္နဲကဲဂြံေဗၱာန္ နကု္ဘာသာမန္ ပတိတ္လ၀္ဟြံမြဲ ဒးသုင္ေစာဲလိက္ကႅာဲ နူကု္လိက္ဗမာတံမတိတ္ေဟင္ ဂြံဂတာပ္တုဲ ဂြံတီေကတ္ရ။
.
ဒၷာဲဏံ မိက္ဂြံခ်ဴဏာပမိက္ ညးခ်ဴလိက္ညိ .............
ညးခ်ဴလိက္ဏံ အခိင္ကတ္မံင္ပညာ ပဍဲဍဳင္သီရိလကၤာဂွ္ ဂြံေကင္ဗွ္ေကတ္ လိက္စပ္ကု္နဲကဲေဗၱာန္ ေယန္သၷာင္ဗုဒၶဘာသာ နကု္ဘာသာအဂၤလိက္ ဂႅဳိင္ကု္စုံရ။ ဗွ္ရွ္သာေလ၀္ခုိဟ္ေလာန္ရ ပေကာံေလ၀္ ပေကာံလ၀္ ဆ၀ုိတ္ေထက္ၾကဳိက္ရ။ ရန္လ၀္ စုိပ္မြဲတငဲမၢး ဂွ္ဒွ္လိက္နိႆ      ဲ ပအစာံရ။
ကေမႅာန္လိက္ေဗၱာန္ ဂြံသုင္ေစာဲအလုံေကာန္ဂကူမာန္ဂွ္ ဒွ္ကေမႅာန္ပူဂု္ဟြံေသင္ ႏြံကု္ဂေကာံတုိင္ (ဗဟုိ၀္)ေတွ္ ဒွ္ခုိဟ္ရ။ ဂေကာံလၸာ္ ခမီသင္ဟုီဂွ္ ပေတွ္ေကတ္လ၀္ ၂ ဂေကာံရ။ ဂေကာံရာမညဓမၼာစရိယ ေကုာံရာမညသံဃာနဳဂၢဟ၊ ဆဂး ညးဂြံဘုိင္ ကု္ျဇဟတ္ကေမႅာန္ ပဍဲကု္ဂေကာံတံဂွ္ေအာန္တုဲ ကိစၥစပ္ကု္ဘာသာ သာသနာ ဂြံမင္မြဲ ပဍဲေကာန္ဂကူ (လၸာ္ခရွ္)တံဂွ္ နြံမံင္ကု္တင္ဍဳိန္လ်ရ။ ၀ုိန္ရလိက္ေဗၱာန္ ဘာဥတုကညင္ကုီေလ၀္ ဗုီညး ညးပတိတ္တုဲ စကာမံင္အုိတ္ရ။
.
ပေရင္စု္ဒနာဟုီဂွ္ ညးျပဟ္တီလ၀္ အနာဂတ္ဗုီဒွ္မာန္ေတွ္ စု္ဒနာသက္သာညိရ။
ပေရင္ဒွ္ဓ၀ိင္ဏံဂွ္ ခမီမန္အ၀ဲသၼတ္တံရဂႅဳိင္၊ ခမီသင္ကဆံင္က်ာ္ေဇၷာ္အၥာတံဂွ္
ညံင္ရ'စုိတ္လုပ္စေအာန္တုဲ ပေရင္ကု္ျဇဟတ္ကုသင္သၼတ္တံေအာန္မံင္ဏီ ဂြံဆု္ေကတ္ရ။ ယ၀္ပတိတ္လိက္ နအလု္ဇကုဇကုေလ၀္ ဒးသုင္ေစာဲ ညးစုိန္သၠဳီခ်ဴခ်ာဲ၊ အခိင္၊ဒးသုင္ေစာဲ ၾသန္ဗြ၀္ေလ၀္ ဂႅဳိင္မံင္ကုီတုဲ ဆပုိတ္ေကာန္သင္ သင္အၥာလိက္ေဍာတ္တ္တံရေတွ္ ဂြံေရင္တႅဳင္အာ သႅဲသႅဲလးလး အလုံတိဍာ္ေကာန္ဂကူမာန္ဂွ္ ဂႅံင္ေအာန္ညိရ။ ဒးဒွ္ဓ၀ိင္ ပေရင္ဓလုီထဍဳိက္ဂွ္ ပဍဲကြာန္ေဇၷာ္ေဇၷာ္ ပႛဲကု္ပြဳိင္ဍဳင္ ဒၷာဲဂကူဘာသာစုင္ မတန္တ'မံင္တံဂွ္ရ။ အေခါင္ဗေတာန္လိက္မန္ ပဍဲဘာအလု္အသီတံဂွ္ ဗုိန္ဗုိန္ေမာန္ေမာန္ ဟြံဂြံဒွ္ဏီကုီ၊ အၥာဘာ၊ အၥာေမွာံေဗၱာန္မံင္ ပဍဲဘာအလု္ အသီတံ ဟုိတ္မခံင္မံင္ နကု္ဘာသာဗမာတံကုီတုဲ ဘာဓမၼသကူလ္ဏံ ယ၀္သင္တံ ဟြံေတာဲကု္အၥာဘာ အၥာေမွာံတံဂွ္မၢး ဓမၼသကူလ္ဏံ ၾကက္ဒွ္အာဘာသာဗမာေဏာင္ အတုိင္သင္တံ ဒွ္ဓ၀ိင္ဂွ္ ဒွ္ကႅဳင္မာန္ရ။
.
ရံင္အာကု္ပေရင္ဍဳင္ကြာန္ ဍဳင္မန္ဗမာပုိယ္ဏံမၢးေတွ္ အသီအလု္ဂြံကု္အေခါင္ ေဗၱာန္ဘာဓမၼသကူလ္ ပဍဲကု္ဘာအလု္အသီဂွ္ ဒွ္အာဟြံမာန္ရ။ မုဟုိတ္ေရာဟုီေတွ္ ဗုဒၶဘာသာဂွ္ ဟုိတ္နဴ ဒွ္ကဆံင္ ဘာသာဍဳင္ (State Religion) ဟြံေသင္တုဲ အေခါင္ေတၼင္ သြက္ဗုဒၶဘာသာမြဲဓရ္ ဂြံအာဟြံမာန္။ ဆဂး တိဍာ္ကြာန္ေဍာတ္တ္ ခမီသင္၊ ညးေဇၷာ္ကြာန္၊ အၥာဘာ အၥာေမွာံတံ ေကႅာံဍ ဒွ္မံင္မြဲပႅဳပ္ကုီ အလုံမြဲကြာန္ ဒွ္မံင္ေကာန္ဗုဒၶဘာသာကုီမၢး ပေရင္ကႅဳိဟ္ခႅင္ဇကုကု္ဇကု ေဗၱာန္အာပဍဲကု္ဘာအလု္အသီ အခိင္ကၼာတ္ဘာ မပၱံကု္ တငဲတိင္ တငဲသီ၊ ဟိသ၀္ အဒုိတ္တံရ။ ဒွ္ခုိဟ္အုိတ္ဂွ္ နနဲဍဳင္သီရိလကၤာတံကုီ ဘာဓမၼသကူလ္တံဂွ္ အခိင္ကၼာတ္ဘာ ေထက္ကု္ေဗၱာန္ပဍဲကု္အရွာံဘာလက်ာ္ရ။
.
(ခမီသင္မန္ ကဆံင္က်ာ္ေဇၷာ္အၥာ တႅဂုဏ္အၥာမၷဳံကု္ၾသဇာေဇၷာ္တံဂွ္ ဒွ္ဓ၀ိင္ ဂြိင္ကု္ေကာန္ငၚမန္ သြက္သၨဳိင္ဗုဒၶဘာသာမန္ကုီမၢးေတွ္ ခုိဟ္တ'ေရာင္)
.
ဆက္အာ (ေလၼင္-၈)ပႅန္ေရာင္

Credit to Gho Saka.