(ေလၼင္-၉ - နိဂုီ)
မုဟုိတ္ဒးေဗၱာန္ဓမၼသကူလ္ နကု္ဘာသာမန္
................................................................
သုင္ေစာဲလိက္တန္ေဗၱာန္ ဗတ္ဗမာတုဲ ဟုီေသာင္ဗတ္မန္ဂွ္
ဒွ္ဓမၼသကူလ္မန္ဟြံေသင္ .... ေဗၱာန္ဓမၼသကူလ္ နကု္ဘာသာမန္ဟြံေသင္မၢး
အနာဂတ္ေတံ သာသနာမန္ေကႅံမာန္ ေယန္သၷာင္ဗုဒၶဘာသာမန္ေကႅံမာန္ ပရိယတ္မန္ေလ၀္ ဒးဍဳိန္လ်ေစွ္အာမာန္ေရာင္။
.
လိက္တန္ေဗၱာန္ဓမၼသကူလ္ နကု္ဘာသာဗမာဂွ္ တိတ္ေလ၀္ တိတ္ကႅဳင္မံင္ရ ဗမာတံ ေဗၱာန္ေလ၀္ ေဗၱာန္ကႅဳင္မံင္ဣရ။ ပဍဲကု္ဗြဳိင္ေကာန္ငၚမန္ပုိယ္တံ ညံင္ကု္ဂြံေဗၱာန္ နကု္အေရ၀္ဘာသာမိမာန္ဂွ္ လိက္တန္ေဗၱာန္ နကု္ဘာသာမန္ ဒးႏြံေထက္ရ။ မိမေကာန္ဂကူမန္တံဂွ္ ဟုိတ္နဴလုက္စုက္ကု္ ဘာလက်ာ္မန္ဂႅဳိင္ ေ၀ါဟာရေဆင္စပ္ကု္ဗုဒၶဘာသာဂွ္ ဍဳက္ေက၀္ဂႅဳိင္တုဲ အေကင္ဟုီလ၀္ကု္ေကာန္ငၚကုီ၊ ေကာန္ငၚတံေလ၀္ဂြံမိင္ေကတ္ဂႅဳိင္ကုီတုဲ ညံင္ေကာန္ငၚတံ ဂြံဍဳက္ေက၀္ကု္ ေ၀ါဟာရ ေဆင္စပ္ကု္ဗုဒၶဘာသာဂွ္ ဒးကတ္ေဗၱာန္နဴလိက္တန္ေဗၱာန္ဘာသာမန္ေဟင္ရ။
.
အတုိင္ဓ၀ိင္ဟတူ စပ္ကု္လိက္တန္ေဗၱာန္ နကု္ဘာသာမန္ ညံင္ဂြံတိတ္ဂွ္ တႅဂုဏ္အၥာ ဒံက္တာဣႏၵသာရ (ဇာတိကြာန္ဒဒန္ေခ်တ္) ပဒတၜဘာက်ာ္ၾသီမန္ ဍဳင္လၢဳင္၊ ညးဂစာန္ကႅာဲ ခ်ာဲနဴကု္လိက္တန္ေဗၱာန္ ဘာသာဗမာရ။ ဒကာဗ်ဥ္ မၷဳံယၼဳ မိေ႒ေ႒၀င္း ထံက္ပင္သႅးကု္ဒါန္ ဂႅဳိင္ကု္ေစွာ္ကုိဋ္တုဲ လိက္အုပ္အၥာရပ္ ေကုာံလိက္တန္ေဗၱာန္ကြးဘာ ဓမၼသကူလ္ နကု္ဘာသာမန္ ဂြံတိတ္ကႅဳင္ကုီရ။ ကြတ္ေဗၱာန္အၥာဓမၼသကူလ္ေလ၀္ ပံက္ထၸ့းကႅဳင္တုဲ ဘာဓမၼသကူလ္ ေဗၱာန္တ' နကု္ဘာသာမန္ေလ၀္ ပဍဲကြာန္လငုိ၀္လငုိ၀္တံ စပံက္ေဗၱာန္ဒၼံင္အုိတ္ရဂွ္ ဂြံတီေကတ္ရ။
.
ညံင္ရ'ဘာတန္အလု္အသီ အေခါင္ေဗၱာန္လိက္မန္ဟြံမြဲ ေကာန္ငၚတံ ဒးေဗၱာန္မံင္ လိက္တန္ေဗၱာန္ဘာသာဗမာအုိတ္ရ။ အၥာဘာ အၥာေမွာံလငုိ၀္တံဂွ္ ဟုိတ္နဴဒွ္မန္တုဲ ခါေဗၱာန္ကု္ေကာန္ငၚမန္တံမၢး ေသာင္ကႅးမံင္ဗတ္မန္ရ ဆဂး လိက္တန္ေဗၱာန္တံဂွ္ ဒွ္မံင္ဘာသာဗမာ လိက္၀င္တံဂွ္ ေဆင္စပ္မံင္ကု္ဗမာဂႅဳိင္တုဲ
၀ုိန္ဒွ္ေကာန္ငၚမန္ကုီေလ၀္ အေခါင္ဂြံကတ္၀င္မန္ ဟြံမြဲတုဲ ဒးဒုင္ဇုိတ္မံင္ကဍဟ္ စုိတ္ဓါတ္ ဂြံေကႅင္မင္မြဲဂကူဇကုပႅန္ဂွ္ ဒွ္အာတင္ဍဳိန္လ်မြဲကုီရ။ ဟုိတ္နဴလုက္စုက္ ၀င္ဗမာဂႅဳိင္တုဲ ၀ိုန္ဒွ္ေကာန္မန္ကုီေလ၀္ စု္ကု္ဒးကႅဟ္ဂကူ ဘာသာ သာသနာမန္ ဇကုဇကုမာန္ရ။
.
လိက္အုပ္ဓမၼသကူလ္ဏံဂွ္ ဟုိတ္နဴဒွ္၀င္သာသနာက်ာ္ ၀င္ဗုဒၶဘာသာတုဲ ပေရင္ဂကူ ၀ုိန္ရဟြံဒးဒွ္စဟတူေကြံေလ၀္ စပ္ကု္အေရ၀္ေ၀ါဟာ ပဍဲလိက္တံဂွ္ ယ၀္ဒွ္မံင္ဘာသာဗမာပႅန္မၢး ေကာန္ငၚမန္တံ သိင္အာကု္အခုိက္အလုိက္မန္ပႅန္ရ။
ဟုိတ္ဂွ္ရ ေကာန္ငၚမန္တံမၢး နကု္အေရ၀္ဘာသာမိ လိက္ေဗၱာန္ဗုီမန္တံဂွ္ေဟင္
ေထက္ကု္ဒးေဗၱာန္ရ။ ရပ္လ၀္လိက္တန္ေဗၱာန္ နကု္ဘာသာမန္ဟြံေသင္တုဲ ၀ုိန္ေသာင္ဟုီမံင္ဗုီမန္ကုီေလ၀္ သြက္အနာဂတ္သာသနာမန္ ဗုဒၶဘာသာမန္ တုပ္သၼဟ္မကႅဟ္ေထာံ ခမီသင္မန္ ညံင္ဟြံဂြံ ကု္ေဒႅါံေဗၱာန္ကု္ေကာန္ငၚမန္တံရ။
.
ပြမေဗၱာန္ဓမၼသကူလ္နကု္ဘာသာမန္ဟြံေသင္ဂွ္ ညံင္ကု္ မသၸမံင္အနာဂတ္ေတံ ခမီမန္ပုိယ္ ဒးကု္သီ တြံဓရ္ကု္ေကာန္မန္တံ နကု္ဘာသာညးတၷဟ္ရ။ ပု္နဴ ဂွ္ပႅန္ ဒးပရဟ္ညာတ္လ၀္ဂွ္ ပြမေဗၱာန္ကု္ေကာန္ငၚမန္တံ ဓမၼသကူလ္ နကု္ဘာသာမန္ဟြံေသင္ဂွ္ တုပ္သၼဟ္ညံင္ကု္ေကာန္ငၚမန္တံ ဂြံျပံင္စုိပ္အာဘာလက်ာ္မန္ဟြေသင္ရ။ (၀ါ) ဟြံေသင္ကု္ဓရ္မန္ ဟြံေသင္ကု္အခုိက္ကၷာမန္တံ ညံင္ဂြံလုပ္စုိပ္ကႅဳင္ ဌာန္ေဒသမန္တံ သၸမံင္ကု္ေရာင္ဂွ္ မိက္ဂြံကု္လ၀္ဓရ္သတိကႅာရ။ (ဒးခ်ဴလိက္ကု္သတိဗုီဏံဂွ္ ပၚဂကူဟြံေသင္ရ၊ ပေရင္စု္ဒနာဂကူ ပေရင္မင္မြဲဂကူ ဂြံႏြံတုဲ မဒးခ်ဴကု္သမၱီအုိတ္ရ)
.
ယ၀္ခါရ လိက္မန္စု္ကု္တန္သၨဳိင္ ဂြံေဗၱာန္ပဍဲကု္ဘာတန္ အလု္အသီ ဗဗြဲဓရ္ကုီ၊ ဓမၼသကူလ္ နကု္ဘာသာမန္ ဂြံေဗၱာန္အာသႅဲသႅဲလးလးကုီမၢး၊ ေကာန္ငၚမန္၊ လိက္မန္ အေရ၀္မန္၊ ခမီမန္ကု္ဒကာမန္ ဂြံမင္မြဲအာ ဂကူ ဘာသာ သာသနာမန္ အဓါန္မဂႅိင္ေဟာဲမာန္ေရာင္ ပတုိန္ထၸ့းဏာ သာ္ဏံတုဲ အုပ္ရုပ္ေကႅံ လိက္ေလၼင္ ၁-၉ ေဆင္စပ္ကု္ မုဟုိတ္ဒးေဗၱာန္ဓမၼသကူလ္ နကု္ဘာသာမန္၀ြံရ။
.
ဂြိင္ကု္ဂကူဇကုတုဲ ဒးသၸညံင္ကု္ဂြံတၷဟ္ျခာကုဂကူတၷဟ္ဂွ္ ျပဳိင္ပၠာန္ဟြံေသင္ရ။
၀ါဒပၚဂကူဟြံေသင္ရ။ ၀ါဒစုိပ္လအိတ္ဟြံေသင္ရ။ ဂကူေဇၷာ္ေဇၷာ္တံ ကႅဳိဟ္ကု္ဂကူေဍာတ္တ္တံဂွ္မာန္မၢး ညံင္အေခါင္ဂြံႏြံဂွ္ သၸကု္ဗဗြဲဓရ္မၢး ၀ါဒပြမဓလုီပဠက္ နကု္ေစတနာပေရံပေရံ ပဍဲကု္ကၼိန္ဍဳင္ေလ၀္ အုိတ္မာန္ရ။
.....................................................................................
ဂကူညးကု္ညး သာသနာညးကု္ညး ကု္ဂြံတန္တ'အဓါန္မဂႅိင္ေဟာဲမာန္ညိ။
.....................................................................................
ဘာသာမန္ သာသနာမန္ ကု္ဂြံတန္တ'အဓါန္မဂႅိင္ေဟာဲမာန္ညိ။

.....................................................................................

ေဃာသက (လၼဳိင္)
Credit to Gho Saka.