ဓမၼသကူလ္မန္ ဟုီဂွ္

ဓမၼသကူလ္မန္

ဓမၼသကူလ္မန္ ဟုီဂွ္ 'ဘာဗေတာန္ဓရ္ ဗတ္မန္' ညးလၛဳႝတအ္ ကၜာဲဘာသာရ၊၊ 

အဓိပၸါယ္ ၐိုတ္ဏအ္ဓ၀္ဂွ္ ခၐမ္ေထာံ ေ၀ါဟာဏအ္ ဟြံေကၜာံကႜင္ရ၊၊ ေ၀ါဟာ ' ဓမၼသကူလ္' ဂွ္ ႏြံကုႝအဓိပၸါယ္ လွဲလးေကြံေကြံရ၊၊ ဒဿါႏူဂွ္ရ ကမၼတ႘ဓမၼသကူလ္မန္တအ္ ဟြံကၜာဲဘာသာမြဲသာ္ သုင္ေစာဲအာ ေ၀ါဟာ ပါဠိလုီ (ေအကၤလိက္လုီ) အတိုင္မူလရ၊၊ အေရ၀္မူလဂွ္ ကႜန္ေလ၀္ကႜန္၊ ေဂၜံေလ၀္ေဂၜံ၊ အဓိပၸါယ္ မိက္ဂြံသၢးေလ၀္ ငၛိတ္ခၐမ္ေထာံအိုတ္အးရ၊၊

ျပ၀ံက္ဓမၼသကူလ္မန္

ဓမၼသကူလ္မန္ ဂွ္ ပၚေထာံမၢး ဓမၼ-မြဲပိုဒ္၊ သကူလ္- မြဲပိုဒ္၊ မန္-မြဲပိုဒ္ရ၊၊ ဓမၼ ဂွ္ ဓရ္က်ာ္,ေဒၜာံေဗၲာန္က်ာ္၊ ဒုႝကုႝပိဋကတ္ပိ ပါဠိအ႒ကထာတအ္ ပၜဳပ္စုတ္ ပႜဲဓမၼ မာန္ဖအိုတ္ရ၊၊ သကူလ္- ဂွ္ ယ၀္ေကတ္ေ၀ါဟာ ေအကၤလိက္မၢး ဒွ္ဌာန္,ဒှာဲ, ဘာဗေတာန္ကြတ္ပညာ မမိ္က္ကုႝမြဲမြဲရ၊၊ ယ၀္ေကတ္ေ၀ါဟာ ပါဠိလုီ သကူလ္ (သကုလ) မၢး ဒွ္အဓိပၸါယ္ဂကူ, ေတှာ၀္ဒေတာ၀္, ျပေ၀ဏ႘, အခိုက္ကှာပၜန္ရ၊၊ ပံင္ဟုီ သုီပိပိုဒ္မၢး ညံင္ရဵဂကူေသံတအ္ သုင္ေစာဲဒဿံင္ ယဿဳေတှာ၀္ဒေတာ၀္ နကုႝေ၀ါဟာ 'နာမ္သကုလ္' ကုီ၊ ဘာဗေတာန္ဓရ္က်ာ္ အတိုင္အခိုက္ကှာ, အာဲကဿာဲ, ေယန္သှာင္မန္ နကုႝအေရ၀္ဘာသာမန္ဂွ္ ေကာ္ခဵစ 'ဓမၼသကူလ္မန္' ေထက္ကုီရ၊၊

ကမၼတ႘ဓမၼသကူလ္မန္

ကမၼတ႘ဓမၼသကူလ္မန္ ဂွ္ ဒွ္ဂေကာံေကၜာန္ကေမၜာန္ သြက္ဓမၼသကူလ္မန္ရ၊၊ သကၠရာဇ္ဍဳင္ ၁၃၇၈-သှာံ၊ ဂိတုပုဟ္ ၇ မံက္ (4-1-2017) ဂွ္ ဒက္ပတန္လ၀္ ပႜဲဘာက်ာ္လေဒါ၀္သာသနာ ၂၅၀၀ ၊ ဍဳင္မတ္မလုီရ၊၊ သင္မန္ အေဃာပံက္မံင္ ဘာဓမၼသကူလ္မန္တအ္ ကေသံကဿ၀္ေရင္သကအ္္တုဲ ဒက္ပတန္လ၀္ ကမၼတ႘ရ၊၊ က်ာ္ေဇှာ္အၥာ, တၜဂုဏ္အၥာ မှဳံအပႜဲအလုံေဒသမန္တအ္ ဗြဲမဂၜဳိင္ ပါလုပ္ ပႜဲကမၼတ႘အိုတ္ရ၊၊

လ်ဳိင္ကမၼတ႘ ျပဟ္ျပဟ္ဏအ္ဂွ္- 

၁၊၊ ေကတ္အ႐ုီဗင္ ႏူဓမၼသကူလ္ဖံင္ေဒေရွန္(ဗဟုႝ) တုဲ ပံက္ကုႝကြတ္ဗေတာန္ ဒွ္အၥာဘာကုီ၊၊

၂၊၊ ေကာပ္ကာဲ ညံင္ဂြံတက္ၾတးပတိတ္လိက္ဗြဟ္ ဘာသာမန္မာန္ကုီ၊၊

၃၊၊ ဇဿာပ္ဘာလက်ာ္မန္ ညံင္ဂြံပံက္အာ ဓမၼသကူလ္မန္မာန္ ေစွ္ပေရင္စန္ဒက္ကုီ၊၊

၄၊၊ ဗက္ကံက္စရင္ လဿိဟ္ဘာ, အၥာဘာ, ကြးဘာ ဓမၼသကူလ္မန္ကုီ၊၊

၅၊၊ စ႘ဇန္ဖန္ဖက္ကုႝ ေပဲါသ႘ကၜ႘လွာဲလညာတ္ အၥာဘာ ဓမၼသကူလ္မန္တအ္ကုီ၊၊

၆၊၊ ဂၜာဲၾသန္ဗြ၀္ မပတမ္ ပတိတိကေပါတ္သုင္ေစာဲ ကေပါတ္သမၲီတအ္ကုီ၊၊

၇၊၊ ေကၜာန္ဗဒွ္ကုႝ 'သဘင္စုင္ည႘' မြဲသှာံမြဲအလန္ကုီေရာင္၊၊

ဘာဓမၼသကူလ္မန္

ဘာဓမၼသကူလ္မန္ ဟုီဂွ္ ဘာလက်ာ္မန္ မပံက္လ၀္ဘာ သြက္ဂြံဗေတာန္ လိက္ဗြဟ္ေယန္သှာင္ဗုဒၶဘာသာ ဗြဲေလဿင္တန္ နကုႝနယ္ကဲ 'သၸပဓာန္ကုႝေကာန္ငၛာ္' ေရာင္၊၊ ပႜဲဘာဓမၼသကူလ္မန္ မြဲဘာဂွ္ အၥာဘာမန္၊ လိက္ဗြဟ္မန္၊ ေကာန္ငၛာ္မန္၊ ကမၼတ႘ဘာတအ္ ပါလုပ္အိုတ္ရ၊၊ ဘာဓမၼသကူလ္မန္ဂွ္ ဟြံမြဲကုႝေသှာတ္ ဗဟုႝ ရပ္ဇုက္မြဲသာ္ အုပ္ဓုပ္ ဗြဲမဗၜးၐးမာန္ရ၊၊

အၥာဘာမန္

အၥာဘာမန္ ဟုီဂွ္ ဒွ္အၥာဘာဓမၼသကူလ္မန္ရ၊၊ ခမ႘သင္, သ႘လ မှဳံသဇိုင္ပရိယတ္ ၐိုတ္တန္ေဒါ၀္၊ မှိဟ္ႀတဳံ, မှိဟ္ၿဗဵ မှဳံကုႝကဆံင္ပညာေလာက႘ ၐိုတ္ ၉ တန္ကုီ၊၊ အာယုက္ အၾကာ ၁၈ သှာံကုႝ ၆၀ သှာံ မှဳံကုႝပေရင္ထတ္ယုက္ခိုဟ္မိုဟ္ကုီ၊ စုိတ္လုပ္စကုႝ ပေရင္ဗုဒၶဘာသာတုဲ ဗက္တိုန္လ၀္ကြတ္ဗေတာန္ ဒွ္အၥာဘာဓမၼသကူလ္တုဲတအ္ဂွ္ ေကာ္ခဵစ ' အၥာဘာမန္'ရ၊၊ ဗြဲဒဒွ္တင္ေဆာတ္ေယာင္မၢး -ကဆံင္ပညာ အတိုင္သမၲီလ၀္ ဟြံစုိပ္ကုႝဒွ္၊ အာယုက္ အတိုင္မပိုင္ျခာလ၀္ ေဍာတ္ေဇှာ္အာကုႝဒွ္ ဗြဲဒဒွ္ေစတနာ လုပ္သၸအၥာဘာ ဓမၼသကူလ္မန္မာန္မံင္ရ၊၊

လိက္ဗြဟ္မန္

လိက္ဗြဟ္မန္ ဟုီဂွ္ ဒွ္လိက္ေကၜင္ဇၐိုတ္ၾသဇ ေထရ၀ါဒ ဗုဒၶဘာသာ ဍက္ဍက္ရ၊၊ ရံင္ကုႝအာယုက္ ေကာန္ငၛာ္တအ္တုဲ ခ်ဴဆန္ ဇန္တပ္ တက္ၾတးပတိတ္လ၀္ ဗြဲေလဿင္တန္ (ႏူေကဂ်႘ စုႝစုိပ္ဒြါဒသမ) ရ၊၊ ဇဿာပ္တန္ စ႘ဇန္လ၀္ 'လိက္အၥာရပ္, လိက္ကြးရက္' ၐါၐါကှပ္သဿးရ၊၊ ပႜဲမြဲမြဲကှပ္ဂွ္ ခန္ဗေတာန္ ႏြံလဿိဟ္ (၄၀) ခန္တုဲ အပႜဲမြဲခန္ဗေတာန္ဂွ္ေလ၀္ ပၚလ၀္အခိင္ဗေတာန္ (၄) အခိင္ပၜန္ရ၊၊ မြဲမြဲအခိင္ ဒးဗေတာန္ လလအ္ ပြဳိင္က၀က္နာဍ႘ (၃၀-မိေနတ္) ကိတ္ကိတ္ရ၊၊

အပႜဲလိက္ဗြဟ္တအ္ဂွ္ ေကာန္ငၛာ္မြဲ ညံင္ေသၢာံသုင္ေစာဲ သြက္ဘ၀ေဍံ ႐ုိဟ္ဒဒွ္တၛဲ ရန္တဿံတုဲ မပတမ္- ဗုဒၶ၀င္, ဂုဏ္ရတ္ပိ, ဓရ္မၛဳိလ္, သုတ္ဇာတ္နိပါတ္, ၀င္သာသနာ, ၀င္ေထရ္အၥာဒယွ္တ္ွတအ္ ကံက္ႏုက္တုဲ ခ်ဴပတိတ္လ၀္ နကုႝနယ္ဂတာပ္ေခတ္ C . C . A ေရာင္၊၊